Ō mātou ake maunga puia!

Kua whakapau kaha a Pīpī Heihei ki te hanga maunga puia ki te pounamu wai, te niupepa me te kāpia. 

I te tuatahi, i whakapiria te pounamu wai ki runga i te kāri.

I te tuarua i penupenu mātou i te niupepa, kātahi ka whakapiria ki runga i te pounamu wai me te kāri, kia hanga i te maunga. 

I te tuatoru, i tīhaehae mātou i te niupepa kia pai ai te whakapiri ki runga i te maunga.

I te tuawhā, i tino paruparu mātou! I whakapiria-ā-ringaringa te niupepa ki runga i te maunga ki te kāpia. I rawe!

Te paruparu hoki o ngā ringa me ngā waewae!

Tau kē te mahitahi a ngā rōpū!

Ka mutu te whakamaroke me te peitapeita, i raua atu te pēkana houra (baking soda) ki roto i te maunga puia (pounamu wai).

I raua atu te waitae whero ki roto.

Whai muri i tērā, i māringihia te winika (vinegar) ki roto kia ranutahi ki te pēkana houra, pahū ai! 

Mātakitaki mai i te pahūtanga tuatahi!